Li Akademiya Nisêbîna Rengîn Xwendekarbûnî
Nisêbîn di serhildêriya çiyayên Bagokê, hênikahiya Ava Spî de ku tu car bi “ser xetê, bin xetê” perçebûnê danexwariye li Kurdistana ku ji hêla hêzên hegemonîk ve hatiye çar parçekirin e. Jiyana ku xeyala welateke bê tepînk, ji teqandina tepînkan a di bedena xwe de napelike û vê derê vedugeherîne qada pîknîkê ye. Bajarê ku parvekirina îktîsadî ya bi cîranî re ango bi pênaseya dewletê qaçaxkariyê wek sûc qebûl nake ye. Digel hemû qedexeyên dewletê belgeya hiqûqê ye ku parvekirinên mirovî, wijdanî, exlaqî nabin ku wek sûc werin hesibandin. Welatê gulşîlav û gulên spî ye.
