ژ چاپەمەنی و رایا گشتی رە
ئەم بەرخوەدان و تێکۆشینا ژنێن ئێزیدی کو ل دژی تاریا مرنێ دەستێن خوە درێژی رۆژێ دکن سلاڤ دکن!
ل سەر قەتلکرنا کوردێن ئێزیدی کو ل شەنگالێ ژ ئالیێ چەتەیێن باربارێن دائیشعێ ڤە د ٣یێ تەباخا سالا ٢٠١٤عیان دە پێک هاتبوو ٧ سال دەرباس بوون. د ڤێ ژەنۆسیدا کو وەکی فەرمانا ٧٣ەمین د دیرۆکا گەلێ قەدیما ئێزیدی یا ژ کۆمکوژیان داگرتی دە جهـ گرت ژن، زارۆک و پیر ژی د ناڤ دە ٥ هەزار کەس هاتن قەتلکرن و ب سەد هەزاران کەس ژی ب دارێ زۆرێ ژ جهـ و وارێ خوە هاتن کۆچبەرکرن. د ڤێ کۆمکوژیا کو ل پێش چاڤێن هەموو جیهانێ پێک هات دە، هەما هەما قرکرنەک ژنان هات ژیاندن. ژنێن ئێزیدی کو دووچارێ ئیشکەنجەیێن زایەندییێن سیستەماتیک مان، وەک عخەنیمەتێن شەرع هاتن دیلگرتن و ل بازارێن کۆلەیان ژ مێران رە هاتن ‘فرۆتنع .
ژنێن ئێزیدی کو ب مەجلیسێن ژنانێن کو ل شەنگالێ ئاڤا کرن ڤینا ژنێ برێخستنکرن، د سەری دە ژ بۆ ژنێن بندەست ژ بۆ گەلێن جیهانێ بوون هێڤی.ێن کو خوەستن ڤێ هێڤیێ بشکینن، د هەمان دەمێ دە خوەستن ئیرادەیا ژنێن کورد کو دیرۆکا بەرخوەدان و تێکۆشینا ژنانا ل رۆژهلاتا ناڤین نڤیساندنە ژی تەسلیم بگرن. وەک هەڤرین خەلەف، زەهرا بەرکەل، هەبوون مەلا خەلیل، ئەمینە وەیسی و گەلەک ژنێن دنێن شۆرەشگەر کو هلما مە تێری ناکە ئەم ناڤێن وان بژمێرن قەتل کرن.
وەکە تێ زانین د کۆنفەرانسا ناڤنەتەوەیی یا ژنێن ئێزیدی دە کو ل ئالمانیایێ د ١١-١٢یێ ئادارا ٢٠١٧عیان دە پێک هات، هات دەستنیشانکرن کو ژ بۆ ژنێن ئێزیدییێن کو د دەستێ چەتەیێن دائیش دە دیلگرتینە د دەمەک زووتر دە ئازاد ببن، دڤێ تێکۆشینەکە ب باندۆرا ناڤنەتەوەیی بێ مەشاندن و د ڤێ چارچۆڤەیێ دە بریار هاتبوو گرتن کو دیرۆکا ٣یێ تەباخێ وەک «رۆژا چالاکیا ناڤنەتەوەیی یا ل دژی ژەنۆسید و قرکرنا ژنێ» بێ نرخاندن. دیسا، بەریا نها ژ هێلا پارلەمەنتا ئەورۆپایێ ڤە وەکی « قرکرنا ئێزیدیان» هاتبوو ناسکرن و رێخستنێن ناڤنەتەوەیی ژی د راپۆرێن کو ئامادە کربوون دە ڤێ کۆمکوژیێ د وەرگریا «سووجێن کو ل هەمبەر مرۆڤاهیێ پێک هاتنە» دە جهـ داهبوون؛ لێ دگەل ڤێ یەکێ ژ هێلا دەستهلاتیا ترکیەیێ ڤە ناسکرنا وێ هێلەکی ڤە کۆمکوژیا شەنگالێ هین ژی نەهاتیە مەهکوومکرن.
ئەم ژی دخوازن جارەکە دن ب دەنگەکی بلند دەستنیشان بکن. ئەم بانگاوازیا خوە دوبارە دکن کو ٣یێ تەباخێ وەکی «رۆژا چالاکیا ناڤنەتەوەیی یا ل دژی ژەنۆسید و قرکرنا ژنێ» وەرە قەبوولکرن و بەرخوەدان و تێکۆشینا ژنێن ئێزیدی کو ل هەمبەر تاریتیا مرنێ دەستێ خوە بەر ب رۆژێ ڤە درێژ دکن سلاڤ دکن.
هوون دکارن هەر تشتی بکن، لێ هوون تو جاری نکارن رۆژێ بکوژن، لەورە ل شەنگالێ ژن ژینە.
٠٣. ٠٨. ٢٠٢١
(تژا) تەڤگەرا ژنێن ئازاد
